इटहरी : इटहरीस्थित धरान लाइनमा ट्रकबाट टायल झार्ने क्रममा च्यापिएर दुई जना कर्मचारी घाइते भएका छन् ।
इटहरी–धरान सडकखण्डअन्तर्गत आर्मी क्याम्प नजिकै रहेको सोमानिया टायल पसलमा टायल झार्ने क्रममा दुर्घटना भएको हो ।
दुर्घटनामा एक जनाको हातमा गम्भीर चोट लागेको छ भने अर्का पुरुषको खुट्टामा चोट लागेको बताइएको छ ।
इलाका प्रहरी कार्यालय इटहरीका प्रहरी नायब उपरीक्षक (डीएसपी) सुवास हमालका अनुसार घाइते दुवै जनाको हलगढास्थित सामुदायिक अस्पतालमा उपचार भइरहेको छ ।
घाइतेहरूको परिचय खुल्न बाँकी रहेको र दुर्घटनाको थप विवरण संकलन भइरहेको प्रहरीले जनाएको छ ।
Discussion about this post