इटहरी : इटहरीमा भूमी सम्बन्धी समस्या समाधानका लागि अन्तरक्रिया गरिएको छ ।
इटहरी उपमहानरको आयोजनामा भूमी सम्बन्धी समस्या समाधानमा स्थानीय तहको भूमिका विषयक अन्तरक्रिया गरिएको हो ।
इटहरीका सवै जनप्रतिनिधि, वडा सचिवहरु र राजनीतिक दलका प्रतिनिधिहरुको अन्तरक्रियामा सहभागिता रहेको थियो । कार्यक्रमका प्रमुख अतिथि प्रदेश सांसद सर्वध्वज साँवाले स्थानीय सरकारको काँधमा भूमी सम्बन्धी समस्या समाधान गर्ने ऐतिहासिक जिम्मेवारी आएको बताए । उनले द्रूत गतिमा काम अघि बढाउनुपर्नेमा जोड दिए ।
इटहरी उपमहानगरका प्रमुख द्धारिकलाल चौधरीले भूमी सम्बन्धी समस्या समाधान गरेर सुकुम्बासी विहीन नगर बनाउने बताए । चौधरीले गलत ब्यक्तिले फाइदा नउठाउन् भन्ने उदेश्यले भूमी सम्बन्धी नीति ल्याइएको बताए ।
कार्यक्रममा भूमी सम्बन्धी समस्या समाधान आयोगका केन्द्रीय सदस्य गोपाल गुरागाईँले आयोग गठनको उदेश्य र संवैधानिक कानुनी प्रवन्ध र स्थानीय निकायको दायित्वका वारेमा प्रष्ट पारे ।
Discussion about this post