धरान : धरानस्थित वीपी कोइराला स्वास्थ्य विज्ञान प्रतिष्ठानको कोभिड १९ अस्पतालमा धरान र बराहक्षेत्रका एक–एक जना कोरोना सङ्क्रमितको मृत्यु भएको छ ।
प्रतिष्ठानका सह प्रवक्ता डा. चुडामणी पोखरेलका अनुसार आज बिहान ५ः४५ बजे धरान ११ का ६३ वर्षीय पुरुषको उपचारको क्रममा मृत्यु भएको हो ।
जेठ ११ गते कोरोना पुष्टि भएका उनलाई सोही दिन कोभिड हस्पिटलमा भर्ना भएका थिए । उनी दीर्घ रोगी रहेको प्रतिष्ठानले जनाएको छ ।
त्यस्तै, आज बिहान ७ बजे बराहक्षेत्र ४ की ६० वर्षीया महिलाको पनि उपचारको क्रममा मृत्यु भएको प्रतिष्ठानले जनाएको छ ।
उनलाई जेठ २० गते कोरोना पुष्टि भएको र आज कोभिड अस्पतालमा उपचारका लागि भर्ना गरिएको थियो । उनी पनि दिर्घरोगी रहेको प्रतिष्ठानले जनाएको छ ।
Discussion about this post