झापा : झापाको बुद्धशान्ति गाउँपालिका–३, धाइजनमा मोटरसाइकलको ठक्करबाट एकजना पैदलयात्रीको मृत्यु भएको छ ।
पूर्व क्षेत्रीय ट्राफिक प्रहरी कार्यालय इटहरीका अनुसार बिहीबार बेलुकी करिब साढे ७ बजे मे १० प ८८५७ नम्बरको मोटरसाइकलले पैदल हिँडिरहेका मेचीनगर नगरपालिका–१२ का २२ वर्षीय रमेश राजवंशीलाई ठक्कर दिएको थियो ।
दुर्घटनामा गम्भीर घाइते भएका उनको उपचारको क्रममा धरानस्थित वीपी कोइराला स्वास्थ्य विज्ञान प्रतिष्ठानमा बिहीबारै राति ११ बजे मृत्यु भएको प्रहरीले जनाएको छ ।
दुर्घटनामा संलग्न सवारीसाधनसहित चालकलाई इलाका प्रहरी कार्यालय बुधबारेले नियन्त्रणमा लिएर आवश्यक कारबाही अगाडि बढाएको छ ।
Discussion about this post