विराटनगर : नोवेल मेडिकल कलेज शिक्षण अस्पतालमा उपचारका क्रममा एक व्यक्तिको मृत्यु भएपछि शनिबार अस्पताल परिसर तनावग्रस्त बनेको छ।
मोरङको कानेपोखरी गाउँपालिका–६ का ५४ वर्षीय नेत्रप्रसाद भण्डारीको मृगौलाको पत्थरीको शल्यक्रियापछि मृत्यु भएको हो।
उनलाई वैशाख १७ गते अस्पताल भर्ना गरी सोही दिन अप्रेसन गरिएको थियो।
उपचारकै क्रममा शुक्रबार राति भण्डारीको मृत्यु भएको प्रहरीले जनाएको छ।
डाक्टरको लापरबाहीका कारण मृत्यु भएको आरोप लगाउँदै मृतकका आफन्तले शनिबार बिहान अस्पताल परिसरमा प्रदर्शन गरेका हुन्।
स्थिति तनावपूर्ण बनेपछि जिल्ला प्रहरी कार्यालय मोरङ बाट प्रहरी टोली खटाइएको थियो।
घटनाबारे थप अनुसन्धान भइरहेको प्रहरीले जनाएको छ।
Discussion about this post