इटहरी : इटहरीको एक होटलमा १६ वर्षीया बालिकामाथि जबरजस्ती करणी भएको छ ।
जिल्ला प्रहरी कार्यालय सुनसरीका अनुसार बालिकालाई जबरजस्ती करणी गरेको आरोपमा फरार रहेका एक व्यक्तिलाई पक्राउ गरी सार्वजनिक गरिएको छ ।
पक्राउ पर्नेमा सुनसरीको बराहक्षेत्र ६ का २८ वर्षीय राजकुमार यादव रहेका छन् । उनले साउन १३ गते इटहरी ६ स्थित सिद्धार्थ होटल एण्ड लजमा एक १६ वर्षीया बालिकालाई प्रलोभनमा पारेर जबरजस्ती करणी गरेको आरोप लागेको छ ।
घटना पश्चात भने उनी फरार भएका थिए ।
सुनसरी प्रहरीले यादवलाई भदौ १ गते मोरङ प्रहरीको सहयोगमा विराटनगर ५ बाट पक्राउ गरेको थियो । पक्राउ परेका उनलाई सुनसरी जिल्ला अदालतबाट सात दिनको म्याद थप गरी अनुसन्धान भइरहेको प्रहरीले जनाएको छ ।
Discussion about this post