इटहरी : इटहरी उपमहानगरपालिकामा शुक्रबार (भोलि) देखि १५ दिनसम्म मतदाता नामावलीमा दर्ता छुट भएकाहरूको नामावली संकलन गरिने भएको छ ।
उपमहानगरपालिकाका प्रमुख द्धारिकलाल चौधरीको अध्यक्षतामा बसेको वैठकमा निर्वाचन आयोगले संचालन गर्ने मतदाता संकलन कार्य शुक्रबार (भोलि) देखि पुस २ गतेसम्म ब्यवस्थित ढंगले संचालन गर्ने निर्णय भएको हो ।
शुक्रबार, मंसिर १७ र १८ गते इटहरी वडा नम्वर १०, ११, १२ र १३ नम्बरको मतदाता नामावली संकलन हुनेछ ।
यस्तै, मंसिर १९ र २० गते इटहरी वडा नम्बर ५ र ९ को, २१ र २२ गते वडा नम्बर १, १९ र २० को, २३, २४ र २५ गते वडा नम्बर २, ३, १५ र १६ वडाको मतदाता नामावली दर्ता गरिने छ ।
यस्तै, मंसिर २६ र २७ गते वडा नम्मर १७ र १८ को, २८ र २९ गते वडा नम्वर ७, ८ र १४ को तथा पुष १ र २ गते वडा नम्बर ४ र ६ को नामावली दर्ता गर्ने कार्यक्रम तय भएको उपमहानगरका निर्वाचन सम्पर्क व्यक्ति फाल्गुनी प्रसाद काफलेले जानकारी दिए ।
उनका अुनसार मतदाता नामावली दर्ता गर्न आउँदा नेपाली नागरिकताको सक्कल प्रमाण पत्र ल्याउनुपर्ने छ । यसैगरी वाह्य जिल्लाबाट बसाईँसराईँ आएको भए बसाईँसराईँ प्रमाण पत्र र बाहिर जिल्लाबाट विवाह भई आएको भए विवाह दर्ताको सक्कल प्रमाण पत्र ल्याउनुपर्ने जनाइएको छ ।
जिल्ला निर्वाचन कार्यालय सुनसरीको परिपत्र अनुसार सबै वडाको मतदाता संकलन इटहरी उपमहानगरपालिका परिसरबाट हुने छ ।
उपमहानगरका प्रमुख द्धारिकलाल चौधरीले मतदाता नामावलीमा कोही नछुटुन भन्नका लागि जनप्रतिनिधि, राजनीतिक दल, नागरिक समाज सवैसँग समन्वयका लागि आग्रह गरेका छन् ।
Discussion about this post