प्रदेश १ मा थप २९ जनामा कोरोना संक्रमण

इटहरी : प्रदेश १ मा पछिल्लो २४ घण्टामा थप २९ जनामा कोरोना भाइरस संक्रमणको पुष्टि भएको छ ।

सामाजिक विकास मन्त्रालयका अनुसार थपिएका संक्रमितमध्ये मोरङको विराटनगरमा ११, सुन्दरहरैँचामा ३, धनपालथान, सुनबर्षी र उर्लाबारीमा १–१ जना छन् ।

यस्तै, सुनसरीको इटहरीमा ४, धरानमा १, झापाको भद्रपुर र हल्दिबारीमा १–१, धनकुटाको धनकुटा नगरपालिका, तेहृथुमको म्याङ्लुङ र प्रदेश १ बाहिरका १–१ जनामा संक्रमण देखिएको मन्त्रालयले जनाएको छ ।

प्रदेश १ मा यही अवधिमा २४ जना कोरोना संक्रमणमुक्त भएको मन्त्रालयले जनाएको छ ।