धरान : मंगलबार धरानमा रहेको पब्लिक उच्च माध्यमिक विद्यालयमा यहाँका मानिसहरूको भीड थियो ।
धरान उपमहानगरपालिकाको १२१ औँ स्थापना दिवसको अवसरमा आयोजित ‘धरान उत्सव’ कार्यक्रमको उद्घाटन गर्न प्रधानमन्त्री शेरबहादुर देउवा धरान आउने भएपछि ११ बजेदेखि नै आम मानिसहरू पर्खिरहेका थिए ।
तर, देउवा २ बजे मात्रै कार्यक्रम स्थलमा आइपुगे । उद्घाटन समारोहमा आउनुअघि उनले धरानमा रहेका अन्य कार्यक्रमहरूमा पनि सहभागी भए ।
हेलिकोप्टरमार्फत धरान आएका उनले यसअघि बिहान साढे १० बजे धरान २ मा रहेको नेपाली कांग्रेस सुनसरी क्षेत्र नं. १ को नवनिर्मित पार्टी कार्यालय भवनको उद्घाटन गरेका थिए ।
तीनवटा कार्यक्रममा सहभागी भएपछि मात्रै धरान उत्सवको उद्घाटन गर्न पुगेका प्रधानमन्त्री देउवाले तीन मिनेट मात्रै सम्बोधन गरेका थिए । करीब चार घण्टा पर्खिएका मानिसहरूले देउवाको तीन मिनेट मात्रै सम्बोधन सुन्दा खिन्नता भएको आशय प्रकट गरेका थिए ।
पार्टी भवनको उद्घाटनको क्रममा उनले कांग्रेसको भविष्य बनाउन पार्टीमा एकता जरुरी रहेको टिप्पणी गरे । पार्टी सभापतिमा दोस्रो पटक निर्वाचित भएपछि पहिलोपटक जिल्ला भ्रमणमा निस्किएका देउवाले भने, ‘पार्टीमा भविष्य बनाउन एकता जरुरी छ, यसको सुरुआत धरानबाट हुनेछ भन्ने विश्वास लिएको छु ।’
यस्तै, देउवाले धरान ६ पानवारीस्थित निर्माण भएको फोहोर प्रशोधन केन्द्रको पनि उद्घाटन गरेका छन् । यस्तै, धरान ८ मा निर्माण भइरहेको स्मार्ट बसपार्कको पनि अवलोकन गरेका थिए ।
तीनवटा कार्यक्रममा सहभागी भएपछि मात्रै धरान उत्सवको उद्घाटन गर्न पुगेका प्रधानमन्त्री देउवाले तीन मिनेट मात्रै सम्बोधन गरेका थिए । करीब चार घण्टा पर्खिएका मानिसहरूले देउवाको तीन मिनेट मात्रै सम्बोधन सुन्दा खिन्नता भएको आशय प्रकट गरेका थिए ।
‘पौराणिक मठमन्दिर आफैँमा धार्मिक पर्यटनको सम्भावना बोकेको ठाउँ हो,’ प्रधानमन्त्री देउवाले भने, ‘सरकारले धरान उपमहानगरपालिकासँग समन्वय गरेर विकास निर्माणका काम पनि अगाडि बढाउने नै छ ।’
प्रधानमन्त्री देउवाले सम्बोधन गर्दै वीपी कोइराला स्वास्थ्य विज्ञान प्रतिष्ठानको सुधारका निम्ति सरकारले कुनै कसर बाँकी नराख्ने बताए ।
‘वीपी प्रतिष्ठानको विषयमा सरकारले गम्भीर भएर अध्ययन गरिरहेको छ,’ उनले भने, ‘यहाँ भएको आर्थिक अनियमितताको सुधारका निम्ति कुनै कसर बाँकी राख्दैनौँ ।’ यहाँ भएका समस्या छानबिन गरी निकास ल्याउन सरकार लागि परेको उनको दाबी थियो ।
धरानलाई शिक्षा र स्वास्थ्य क्षेत्रको हब बनाउनका निम्ति सरकार प्रतिवद्व रहेको उनले बताए ।
यहाँ शिक्षा र स्वास्थ्यको स्तरोन्नतिका निम्ति सरकारले अभिभावकको भूमिका निर्वाह गर्ने बताउँदै उनले बसोबासको हिसाबमा पूर्वकै उत्कृष्ट रहेको यस ठाउँमा धार्मिक पर्यटनमा फड्को मार्न सक्ने देउवाले बताए ।
‘पौराणिक मठमन्दिर आफैँमा धार्मिक पर्यटनको सम्भावना बोकेको ठाउँ हो,’ प्रधानमन्त्री देउवाले भने, ‘सरकारले धरान उपमहानगरपालिकासँग समन्वय गरेर विकास निर्माणका काम पनि अगाडि बढाउने नै छ ।’
धरान उपमहानगरले स्थापना दिवसको अवसरमा मंगलबार नगरभरी सार्वजनिक विदा दिएको थियो । धरानले हरेक वर्ष पौष २० गते स्थापना दिवस मनाउने गरेको मेयर तिलक राईले जानकारी दिए । उनका अनुसार यस वर्ष विविध कार्यक्रमसहित पौष २० देखि २३ गतेसम्म तीन दिन धरान उत्सव मनाउनेगरी कार्यक्रम शुभारम्भ भएको छ ।
भिडियो
Discussion about this post