विराटनगर : विराटनगर महानगरपालिका १२ महेन्द्र मोरङ क्याम्पस अगाडिबाट लागूऔषध ब्राउनसुगरसहित दुईजनालाई प्रहरीले पक्राउ गरेको छ ।
अस्थाइ प्रहरी पोष्ट बखरीबाट खटिएको प्रहरी टोलीले भारतबाट नेपालतर्फ साइकलमा आउँदै गरेका विराटनगर ६ का ४० वर्षीय नारायण महतोलाई चेकजाँच गर्ने क्रममा लागूऔषधसहित पक्राउ गरेको हो ।
उनको साथबाट ५ ग्राम ७०० मिलिग्राम ब्राउनसुगर बरामद भएको गरिएको प्रहरीले जनाएको छ । उनको बयानको आधारमा लागूऔषध ओसार पसारमा संलग्न सप्तरी हनुमाननगर ९ घर भइ विराटनगर ११ बस्ने २५ वर्षीय सुमनकुमार रायलाई पनि पक्राउ गरिएको छ ।
उनको समेत संग्लग्नता रहेको खुलेसंगै रायलाई सोही स्थानबाट स ३ प ५१८४ नम्बरको मोटरसाइकलसहित नियन्त्रणमा लिइएको यो ।
ब्राउनसुगरसहित पक्राउ परेका उनीहरूको जिल्ला प्रहरी कार्यालय मोरङबाट थप अनुसन्धान भइरहेको प्रहरीले जनाएको छ ।
Discussion about this post