मोरङ : इलाका प्रहरी कार्यालय बेलबारी मोरङको प्रहरी टोलीले दुईजना फरार प्रतिवादीलाई पक्राउ गरी जिल्ला अदालत मोरङमा बुझाएको छ ।
पक्राउ पर्नेमा जबरजस्ती करणी मुद्दामा ९ वर्ष ५ महिना ५ दिन कैद सजाय तोकिएका सुन्दरहरैँचा नगरपालिका ७ का २३ वर्षीय दीपक चौधरी र लागूऔषध मुद्दामा १ वर्ष ८ महिना १२ दिन कैद र ७५ हजार जरिवाना तोकिएका सुन्दरहरैँचा नगरपालिका ७ का वर्षीय सन्जीव भनिने सन्दीप चौधरी रहेका छन् ।
उनीहरुलाई गाउँघरबाटै प्रहरीले पक्राउ गरेको हो ।
पक्राउ परेका दुवै फरार प्रतिवादीलाई जिल्ला अदालत मोरङमा उपस्थित गराइएकोमा तोकिएको कैद भुक्तानको लागि अदालतकै आदेशअनुसार मोरङ जिल्ला कारगार विराटनगर पठाइएको प्रहरीले जनाएको छ ।
Discussion about this post