इटहरी : नेपाल प्रेस युनियन सुनसरीका अध्यक्ष पवन अधिकारी विज्ञापन बोर्डको सदस्यमा नियुक्त भएका छन् ।
नेपाल सरकारको मन्त्रीस्तरीय निर्णयबाट अधिकारीलाई बोर्डको सदस्यमा नियुक्त गरिएको हो ।
सञ्चार तथा सूचना प्रविधि मन्त्रालयका उपसचिव सुरेन्द्र थापाले आइतबार अधिकारीलाई सदस्यमा नियुक्त गरिएको जानकारी दिए । थापाका अनुसार मन्त्रालयका सचिव बैकुण्ठ अर्याल, सहसचिव उत्तरकुमार खत्री लगायतले पत्र प्रदान गरेका थिए ।
भदौ ३१ गतेको मन्त्रीस्तरीय निर्णयले चार वर्षका लागि विज्ञापन ऐन, २०७६ को दफा १४ को उपदफा (१) को खण्ड (ङ) बमोजिम उनलाई सदस्यमा नियुक्त गरिएको हो ।
अधिकारी हाल नेपाल प्रेस युनियन सुनसरीका अध्यक्ष, नेपाल विज्ञापन संघ प्रदेश १ का अध्यक्ष छन् । झण्डै दुई दशक लामो पत्रकारिताको अनुभव बटुलेका उनी एक दशकयता विज्ञापन क्षेत्रमा समेत काम गर्दै आएका छन् ।
Discussion about this post