इटहरी : इटहरी उपमहानगरपालिकाका मेयर हेमकर्ण पौडेलले इटहरीको मुख्य चौकमा पूर्वराजा स्वर्गीय वीरेन्द्र शाहको शालिक राख्ने भनेपछि अहिले अर्कै शालिक राखिएको भन्दै मेयरसँग डेलिगेशन पुगेको छ ।
वीरेन्द्र चौकबाट नामकरण भएको इटहरी चोकमा वीरेन्द्रकै शालिक पुनःस्थापना हुनुपर्ने भन्दै इटहरीका केही नागरिकहरू मेयरसँग भेट्न इटहरी उपमहानगर पुगेका हुन् ।
आफू निर्वाचित भएसँग इटहरी चोकमा वीरेन्द्रको शालिक राख्नुपर्यो भन्दै मेयर पौडेलले आफैँले बोलाएर आफूसँग सल्लाह लिइ निर्णय गरेको र अहिले अर्कैको शालिक राखेर आफूहरूलाई अपमान गरेको इटहरीका बाबुराम प्रधानले बताए ।
असोज ८ गते बसेको एक भेलाले आइतबार मेयरलाई भेट्ने र इटहरी उपमहानगर र जिल्ला प्रशासनमा ज्ञापनपत्र बुझाउने कार्यक्रम तय गरेको बताए ।
आइतबार मेयर पौडेललाई भेट्न जाँदा वीरेन्द्रको शालिक राख्ने काम नहुने र अहिले बन्न लागेको शालिक ‘कसैले रोक्न नसक्ने’ जवाफ दिएका थिए ।
Discussion about this post