इटहरी : इटहरीमा टेम्पो चालकले सिटी सफारी चालकमाथि खुकुरी प्रहार गरेका छन् ।
इलाका प्रहरी कार्यालय इटहरीका अुनसार टेम्पो चालकले सफारी चालकमाथि शनिबार (आज) साँझ खुकुरी प्रहार गर्दा सफारी चालकको बायाँ हात काटिएको छ ।
इटहरी ५ बस्ने राम भुजेलले सोही ठाउँका भुने चौधरीमाथि खुकुरी प्रहार गरेको प्रहरीको प्रारम्भिक अनुसन्धानबाट खुलेको छ ।
‘साथमै खुकुरी बोकेर हिँडेका कारण सामान्य भनाभनमै खुकुरी प्रहार भएकाले हात काटिएछ,’ घटनास्थलमा रहेका एक प्रहरीले टाकुरान्यूजसँग भने, ‘हामी अहिले जसले हात काटेको हो, उसकै घरमा छौँ र घटनाबारे थप बुझ्ने क्रममै छौँ ।’
खुकुरी प्रहार गर्दा चौधरीको हात काटिएको प्रहरीले जनाएको छ । हात काटिएपछि चौधरीको उपचारका लागि धरानस्थित वीपी कोइराला स्वास्थ्य विज्ञान प्रतिष्ठान लगिएको छ ।
भुजेल र चौधरी ज्वाईँ जेठान रहेको प्रहरीको प्रारम्भिक अनुसन्धाबाट खुलेको छ ।
सामान्य भनाभनमै खुकुरी बोकेर हिँडेका टेम्पो चालक भुजेलले सफारी चालक चौधरीमाथि खुकरी प्रहार गर्दा चौधरीको बाँया हात काटिएको प्रहरीले जनाएको छ । प्रहरीले घटनाबारे थप विस्तृत विवरण केही समयपछि मात्रै सार्वजनिक गर्ने जनाएको छ ।
घटनास्थलमा पुगेको प्रहरीले भुजेल फरार रहेकाले प्रहरीले तीव्र रुपमा खोजी कार्य गरिरहेको जनाएको छ ।
भिडियोका लागि यहाँ क्लिक गर्नुहोस्
Discussion about this post