इटहरी : इटहरीमा सिटी सफारी चालकको हतियार प्रहारबाट हत्या भएपछि इलाका प्रहरी कार्यालय अगाडि पीडितले प्रदर्शन गरेका छन् ।
इटहरीको मुख्य चौकमै धारिलो हतियार प्रहार गरी शनिबार साँझ सफारी चालकको हत्या भएको थियो ।
हतियार प्रहारबाट इटहरी ५ बस्ने ४६ वर्षीय सफारी चालक भुने चौधरीको हत्या भएको हो । हत्यापछि पीडित परिवार र सफारी चालकहरूले प्रदर्शन गरेका हुन् ।
मुख्य चौकमै हत्या हुनुले प्रहरीको सुरक्षामाथि प्रश्नचिह्न खडा भएको भन्दै प्रदर्शन गरिएको बताइएको छ । बाक्लो संख्यामा भेला भएका स्थानीयसहित सफारी चालकहरूले अहिले प्रहरी कार्यालय अगाडि प्रदर्शन गरिरहेका छन् ।
यता इलाका प्रहरी कार्यालय इटहरीका प्रहरी निरीक्षक भीमबहादुर खड्काले घटनामा संलग्न इटहरी ५ कै राम भुजेललाई आज (आइतबार) बिहान नियन्त्रणमा लिइएको बताए ।
“घटनामा संलग्नलाई पक्राउ गरेका छौं,” खड्काले टाकुरासँग भने, “पक्राउ परेका व्यक्तिलाई बाहिर निकाल्नुपर्छ भन्ने उहाँहरू (भेला भएका स्थानीय) को माग छ ।
पक्राउ परेका व्यक्तिलाई प्रहरीले संरक्षण गरेको आरोप लगाउँदै आएका स्थानीयसहित पीडितले घटनामा संलग्न व्यक्तिलाई आफूहरू समक्ष ल्याउन माग राखेका छन् ।
यो पनि – इटहरीको मुख्य चौकमै धारिलो हतियार प्रहारबाट सफारी चालकको हत्या
यो पनि – इटहरीमा टेम्पो चालकले सफारी चालकको हातमा खुकुरी प्रहार गरेपछि…
भिडियोका लागि यहाँ क्लिक गर्नुहोस्
Discussion about this post