धरान : धरानमा जारी २३ औं टुबोर्ग गोधुली फुटबल रनिङ कपमा वडा नं. १ लाई ४–२ गोल अन्तरले पराजित गर्दै ५ नं. वडा सेमिफाइनलमा प्रवेश गरेको छ ।
५ नं. वडा पहिलोपटक गोधुली रनिङ कपको सेमिफाइनलमा प्रवेश गरेको हो । शनिबार धरान रंगशालामा भएको पहिलो क्वाटरफाइनल खेलमा वडा नं. १ लाई पराजित गरेसँगै ५ नं. वडा सेमिफाइनल प्रवेश गरेको हो ।
५ नं. वडाका लागि मन्दीप राईले २ गोल गरे भने सुगम राई र साजन लिम्बूले १–१ गोल गरे । खेलमा २ गोल गरेका मन्दीप राई म्यान अफ द म्याच घोषित भएसँगै नगद दुई हजार र ट्रफी पुरस्कार प्रदान गरियो ।
प्रतियोगिताको फाइनल खेल माघ १४ गते धरान रंगशालामा हुनेछ । पुष ३० गतेदेखि माघ १४ गतेसम्म धरान रंगशालामा हुने प्रतियोगितामा धरानका २० वटै वडाको सहभागिता रहेको छ ।
प्रतियोगिताको बिजेताले नगद १ लाख ५० हजार, उपबिजेताले नगद ७५ हजार प्राप्त गर्ने आयोजकले जनाएको छ ।
Discussion about this post