रामधुनी : रामधुनी नगर प्याब्सनको आयोजनामा सञ्चालन भएको स्पोर्टस् मिट २०७९ को महिलातर्फको भलिबल प्रतियोगिताको उपाधि रामधुनी ५ मा रहेको नमुना सामुदायिक विद्यालयको पोल्टामा परेको छ ।
शनिबार रामधुनी ७ स्थित पञ्चायन विद्या मन्दिरको प्राङ्गणमा भएको प्रतियोगितामा पञ्चायनलाई पराजित गर्दै नमुना सामुदायिक विद्यालयले महिला भलिबलको उपाधि जितेको हो ।
प्रतियोगिताको पहिलो सेट जितेको पञ्चायनले दोस्रो र तेस्रो सेटमा हार व्यहोरेको थियो । महिला भलिबलमा तेस्रो स्थान रामधुनी ५ को नवकिरण इंग्लिस स्कुलले हात पारेको छ ।
यस्तै, पुरुष भलिबलको उपाधि नवकिरण इंग्लिस स्कुलले लगेको छ । नवकिरण इंग्लिस स्कुलले प्रतिस्पर्धी माउन्ट समिट वर्ड स्कुललाई सोझो सेटमा हराउँदै जित निकालेको हो ।
पुरुषतर्फ भएको प्रतियोगिता वेष्ट अफ फाइभ सन्चालन गरिएकोमा नवकिरणले माउन्ट समिटलाई सोझो सेटमा पराजित गर्यो । पुरुष भलिबलमा तेस्रो स्थान व्रिलियन्ट इंग्लिस स्कुलले प्राप्त गर्यो ।
खेलमा वेस्ट सेटरमा माउन्ट समिटका छात्र दिपेश चौधरी घोषित भए भने बेस्ट स्पाइकरमा माउन्ट समिटका सन्देश चौधरी, वेष्ट डिफेन्समा नव किरणका राज कार्की, वेष्ट सरभरमा नवकिरणकै अनिश खड्का, वेष्ट व्लकरमा ब्रिलियन्टका उज्वल चौधरी र सबोत्कृष्ट खेलाडीमा नवकिरणका सुशील खत्री घोषित भए ।
यस्तै, छात्रातर्फको वेष्ट सेटरमा पन्चायन विद्या मन्दिर कपिलिडिया माझी, वेष्ट स्पाइकरमा पञ्चायनकै रुकसना राई, वेष्ट डिफेन्समा नमुना सामुदायिककी दिया चौधरी, बेस्ट सरभरमा नमुनाकी स्नेहा चौधरी र सर्वोत्कृष्ट खेलाडीमा नमुनाकी लिजा चौधरी घोषित भइन् ।
बिजेता टिमका खेलाडी तथा वेष्ट क्याटगोरीमा पुरस्कार पाउने खेलाडीलाई भलिबल प्रतियोगिता समापन समारोहका प्रमुख अतिति रामधुनी ७ का वडाध्यक्ष केशव गौतम, रामधुनी नगर प्याब्सनका अध्यक्ष अच्युत ढकाल, प्रदेश प्याब्सनका सदस्य उमेश थापा तथा जिल्ला प्याब्सनका उपाध्यक्ष रमेश कार्की लगायतले मेडल, प्रमाणपत्र तथा सिल्ड प्रदान गरेका थिए ।
भलिबल प्रतियोगिताका संयोजक दीपेन्द्र विष्ट, रामधुनी प्याब्सनका सचिव हरि रायमाझी, एल.इ.एस स्कुलका प्रद्यानाध्यापक बाबुराम खड्का लगायतको उपस्थिथि रहेको थियो ।
Discussion about this post