इटहरी : सुनसरी बहुमुखी क्याम्पसको स्वतन्त्र विद्यार्थी युनियन (स्ववियु) सभापतिमा समाजवादी विद्यार्थी युनियनका देवकुमार यादव निर्वाचित भएका छन् ।
आइतबार भएको निर्वाचनको अन्तिम मतपरिणामसहित कूल ४७१ खसेको मतमध्ये यादवले २६० मत प्राप्त गर्दै सभापतिमा निर्वाचित भएका हुन् ।
निकटतम प्रतिद्वन्दी नेपाल विद्यार्थी संघ (नेविसंघ) का नन्दन गुप्ताले १९९ मत प्राप्त गरे ।
यस क्याम्पसमा समाजवादी विद्यार्थी युनियन, अनेरास्ववियु, अनेरास्ववियु क्रान्तिकारी, लोकतान्त्रिक विद्यार्थी संघ र प्राज्ञिक विद्यार्थी समूहको तालमेल थियो ।
यस्तै, सचिवमा अनेरास्ववियुका दिब्सन कार्की निर्वाचित भएका छन् । उनले २३४ मत प्राप्त गर्दा निकटतम प्रतिद्वन्दी नेविसंघका सुदीप कुमार मेहताले २१८ मत प्राप्त गरे ।
कोषाध्यक्षमा लोकतान्त्रिक विद्यार्थी संघकी आरती मेहताले २२४ मत प्राप्त गर्दै निर्वाचित भइन् । निकटतम प्रतिद्वन्दी नेविसंघकी अनुकुमारी मण्डलले १७७ मत प्राप्त गरिन् ।
यस्तै, सदस्यहरूमा अखिल क्रान्तिकारीका सन्तोष मण्डल, अरुण महतो निर्वाचित भए भने अनेरास्ववियुकी मन्दिरा काफ्ले, प्राज्ञिक विद्यार्थी समूहकी सुस्मिता कुमारी उराँव र नेविसंघका नीरज शर्मा निर्वाचित भएका छन् ।
Discussion about this post