विराटनगर : विराटनगरमा एक पुरुष बा १५ च ३४४५ नम्बरको कारबाट ओर्लन्छन् ।
कार बिस्तारै स्लो हुन्छ र रोकिन्छ । कारबाट एक व्यक्ति ओर्लन्छन् र विपरीत दिशाबाट आइरहेको साइकलयात्रीलाई मुक्का प्रहार गर्छन् ।
अहिले सामाजिक सञ्जालसँगै विभिन्न मिडियामा बाहिरिएको भिडियोअनुसार उक्त घटनाले अत्यन्त अमानवीय र निन्दनीय रहेको देखाउँछ । घटना गत असार २० गते रातिको हो ।
ती पुरुषको मुक्का लागेर साह सडकमै ढल्छन् ।
विराटनगरको दूधफारमस्थित कोसी राजमार्गमा साईकल चालक पवन साहमाथि कुटपिट भएको हो । घटनामा संलग्न एकजनालाई प्रहरीले पक्राउ गरेको छ भने बाँकी दुईजना फरार छन् ।
साहलाई कुटपिट गर्नेमा बा १५ च ३४४५ नम्बरको कारमा सवार १९ वर्षीय आयुष भेटुवाल, १८ वर्षीय कुशल भेटुवाल र तेह्रथुम जिल्ला घर ठेगाना भएका ३० वर्षीय रोशन कार्की रहेको जिल्ला प्रहरी कार्यालय मोरङले जनाएको छ ।
जसमध्ये आयुषलाई २१ गते प्रहरीले पक्राउ गरेको छ ।
पक्राउ परेका उनीमाथि ज्यान मार्ने उद्योगमा म्याद थप भइ आवश्यक अनुसन्धान अगाडि बढाइएको प्रहरीले जनाएको छ ।
फरार भएका कुशल र रोशनको जिल्ला प्रहरी कार्यालय मोरङबाट खोजतलास भइरहेको प्रहरीले जनाएको छ ।
Discussion about this post