पाँचथर : पाँचथर जिल्ला पछिल्लो पटक जिल्लाको सदरमुकाम फिदिम बजार होटलको हब बन्दै गइरहेको छ ।
सात गाउँपालिका र एक नगरपालिका रहेको यस जिल्ला पूर्वको प्रसिद्व धाम पाथीभरा जाने रुट पनि हो ।
नयाँ रिसोर्ट र रेष्टुरेन्टहरू खुल्ने र सञ्चालन हुने अवस्था रहेपनि आर्थिक पक्षबाट प्रभावित बन्दै गएको समयमा पाँचथरमा मनस्वी होटलले पुनः संचालन गर्दै पर्यटन पूर्वाधारमा लगानी थपेको छ।
कोरोना संकटपूर्व पर्यटनलाई लक्षित गरेर पाँच करोड लगानीमा मनस्वी होटल सञ्चालनमा आएको हो । २०७४ साल वैशाखबाट सञ्चालनमा आएको मनस्वी होटल कोरोना कहरपछि मन्दी भएको कारण बन्द थियो ।
करिब ४ करोड लगानीमा शुरूवात गरिएको होटल कोरोना कहरपछि बन्द गर्नुपर्दा व्यवसायी मारमा थिए।
संञ्चालक प्रकाश नेपालले कोरोना महामारीपछि पर्यटक आउन डराउने, आइहाले सुरक्षित गन्तव्यसम्म पुर्याउने सरकारको योजना नहुँदा होटल बन्द गर्न बाध्य भएको बताए । तर, अब भने होटल निरन्तर सञ्चालन गरिने उनले बताए ।
बन्द भएपछि थप एक करोड लगानी गर्दै पुनः सञ्चालनमा ल्याइएको नेपालको दाबी छ । होटलको डेढ रोपनी जग्गा रहेकाले पार्किङको पनि सुविधा रहेको उनले सुनाए ।
पाँच तले भवनको नाम हरिगंगा कम्पेक्स रहेको छ । ग्रेजिङको प्रयोग गरिएको होटलबाहिर ठूलो नेपालको झण्डा देख्न सकिन्छ । होटलबाहिर ग्रीन गार्डेन बनाइएको छ।
पाचौं तलामा सम्मेलन, सेमीनार र बैठक लगायतका कार्यक्रम गर्न सकिने बताइएको छ । होटलमा १७ वटा कोठा रहेका छन् ।
जसमा २ वटा स्विट रुम, ६ वटा डिलक्स रुम, ३ वटा स्ट्यान्डर रुम र बाँकी ६ वटा जेनेरल रुम रहेको छ । कोठाहरू एक हजार पाँच सयदेखि ६ हजारसम्मका रहेका छन् ।
Discussion about this post