विराटनगर : विराटनगर जेसीजले डेङ्गु सचेतना तथा झुल वितरण कार्यक्रम आयोजना गरेको छ ।
विराटनगर १६ स्थित ऋषिदेव बस्तीमा वडाध्यक्ष उद्धव कुमार भुजेलको प्रमुख आतिथ्यमा झुल वितरण तथा सचेतना कार्यक्रम सम्पन्न भएको हो ।
यहाँका ६० परिवारलाई झुल वितरण गरिएको छ भने सचेतना कार्यक्रम जनस्वास्थका क्षेत्रमा कार्यरत जीवन कुमार यादवले डेङ्गुबाट बच्न अप्नाउने सावधानी, फैलन सक्ने कारण, फैलिएपछि गर्नुपर्ने उपचार, र कसरी यसबाट जोगिने भन्नेबारे जानकारी समेत गराए ।
ममता रिमालको संयोजकत्वमा भएको कार्यक्रममा डेङ्गु प्रकोपलाई मध्यनजर गर्दै सचेतनासहितको झुल वितरण कार्यक्रम आयोजना गरिएको विराटनगर जेसीजका महासचिव अमित अग्रवालले जानकारी दिए ।
जेसीजको सेवा सप्ताहअन्तर्गत महिनावारी सचेतना कार्यक्रम, रक्तदान, स्वास्थ्य शिविर र संसारीमाई स्थान सरसफाई अभियान लगायतका कार्यक्रम आयोजना गरिने बताइएको छ ।
Discussion about this post