इटहरी : सुनसरीको कोसी गाउँपालिका ६ स्थितबाट लागूऔषध गाँजासहित दुई जनालाई प्रहरीले पक्राउ गरेको छ ।
निर्माणाधीन घरमा गाँजा लुकाई छिपाई राखेको भन्ने विशेष सूचनाको आधारमा प्रहरी चौकी श्रीपुरजब्दी र अस्थायी प्रहरी पोष्ट कोसी कटानबाट खटिएको प्रहरी टोलीले चेकजाँचको क्रममा उक्त घरबाट २ सय १६ किलो ४५ ग्राम गाँजा फेला पारेको हो ।
गाँजा बरमाद भएसँगै ओसार पोसारमा संलग्न रहेका कोसी गाउँपालिका ५ का ३४ वर्षीय सागिर मिया र भारत बिहारका ३१ वर्षीय अरबिन्द कुमारलाई प्रहरीले नियन्त्रणमा लिएको हो ।
लागूऔषध गाँजासहित पक्राउ परेका उनीहरूको जिल्ला प्रहरी कार्यालय सुनसरीबाट थप अनुसन्धान भइरहेको प्रहरीले जनाएको छ ।
Discussion about this post