इनरुवा : सुनसरीको इनरुवामा ट्रकको ठक्करबाट एक युवकको मृत्यु भएको छ । जिल्ला प्रहरी कार्यालय सुनसरीका अनुसार इनरुवा ४ बस चौकमा बुधबार (आज)साँझ ट्रकले ठक्कर दिँदा एक युवकको मृत्यु भएको हो ।
मृत्यु हुनेमा भोक्राहा नरसिंह गाउँपालिका २ का रमानन्द मेहता रहेका छन् ।
सुनसरीका प्रहरी पवक्ता डीएसपी नवीनकृष्ण भण्डारीका अनुसार पूर्वबाट पश्चिमतर्फ जाँदै गरेको ना ३ ख १४५ नम्बररको ट्रकले को २२ प ४०८० नम्बररको मोटरसाइकललाई ठक्कर दिदाँ मोटरसाइकल चालक मेहताको घटनास्थलमै मृत्यु भएको हो ।
मेहता नोबेल अस्पताल विराटनगरबाट उपचार गरेर घर फर्कदैँ गर्दा दुर्घटना भएको प्रहरीको प्रारम्भिक अनुसन्धानबाट खुलेको छ ।
मेहताको शव परीक्षणका लागि जिल्ला अस्पताल इनरुवामा राखिएको छ । ठक्कर दिने सवारी र चालक जिल्ला प्रहरी कार्यालय सुनसरीको नियन्त्रणमा रहेको प्रहरीले जनाएको छ ।
घटनाबारे थप अनुसन्धान भइरहेको प्रहरीको भनाइ छ ।
Discussion about this post