सुनसरीमा थप ७ दिन निषेधित क्षेत्र घोषणा, इटहरीको बजार नखुल्ने

जिल्ला प्रशासन कार्यालय सुनसरीले जिल्ला भित्र थप ७ दिन मानिसको आवागमन नियन्त्रण गर्न निषेधित क्षेत्र घोषणा गरेको छ ।
प्रशासन कार्यालयले यस अघि पनि ५ दिन र ६ दिन गरी दुई पटक निषेधित क्षेत्र घोषणा गरेको थियो । पछिल्लो पटक थपिएको समय सीमा आइतबार (आज) राती १२ बजे सकिदैं छ ।
प्रशासन कार्यालयको आज बसेको बैठकले थप ७ दिन थप्ने निर्णय गरेको हो । जिल्ला भित्रका दुहबी, इटहरी, इनरुवा, बराहक्षेत्र, धरान लगायत स्थानीय बजारमा कोरोनाको संक्रमण बढ्दै गएपछि साउन ३२ गते राति १२ बजे देखि लागू हुने गरी भदौं ७ गते राती १२ बजे सम्म निषेधित्र क्षेत्र घोषणा गरेको हो ।