भेडेटार : धनकुटाको साँगुरीगढी गाउँपालिका ९ स्थितबाट प्रहरीले गोली फायर गरी लागूऔषध गाँजा बोकेको पाँच वटा मोटरसाइकलसहित ६ जनालाई पक्राउ गर्न सफल भएका प्रहरी नायब निरीक्षक (सई) उत्कृष्ट प्रहरी घोषित भएका छन् ।
कोशी प्रदेश प्रहरी कार्यालय विराटनगरले इलाका प्रहरी कार्यालय भेडेटार धनकुटामा कार्यरत प्रहरी नायब निरीक्षक रमेश प्रधानलाई पुष महिनाको सर्वोत्कृष्ट प्रहरी घोषित गरेको छ ।
प्रधानले पुष २५ गते धनकुटाको साँगुरीगढी गाउँपालिका ९ चाँदीबजार स्थितमा चेकजाँच गर्ने क्रममा मोटरसाइकलमा लागूऔषध गाँजा बोकेर धरानतर्फ आउादै गरेका ६ जनालाई हवाई फायर गरी नियन्त्रणमा लिएका थिए ।
पाँच वटा मोटरसाइकल तथा एक सय २० किलोग्राम लागूऔषध गाँजासहित पक्राउ गर्न सफल भएको भन्दै उनलाई उत्कृष्ट प्रहरी घोषित गरिएको हो ।
प्रहरीले त्यसबेला धनकुटा सहिदभूमि गाँउपालिका १ का ३४ वर्षीय नकुल राई, २१ वर्षीय ओमप्रकाश राई, साँगुरीगढी ८ का २८ वर्षीय मंगल कुमार राई, २९ वर्षीय विशन राई, २६ वर्षीय थामबहादुर राई र २१ वर्षीय सुमन राईलाई गाँजासहित पक्राउ गरेको थियो ।
उनीहरूले प्रयोग गरेको को ३८ प ३५२२, प्रदेश १–०२–०५३ प ९६६३, प्रदेश १–०२–०५३ प ८६१७, प्रदेश १–०२–०४३ प ९५९६ र को १४ प ७७५० नम्बरको मोटरसाइकल नियन्त्रणमा लिइएको छ ।
प्रहरीले मोटरसाइकल रोक्ने क्रममा सवार रहेका व्यक्तिहरूले प्रहरी टोलीमाथि नै हातपात तथा ढुंगामुडा प्रहार गरेपश्चात प्रहरीले गोली फायर गरेको थियो ।
यो पनि – भेडेटारमा गोली फायर गरी गाँजा बोकेको पाँच वटा मोटरसाइकलसहित ६ जना पक्राउ
Discussion about this post