सुनसरी : सुनसरीको इनरुवा नगरपालिका ६ स्थित पूर्व–पश्चिम राजमार्गमा बसको ठक्करबाट एक पुरुषको मृत्यु भएको छ ।
ना ६ ख २९३१ नम्बरको बसले को २५ प ३३७८ नम्बरको मोटरसाइकलाई ठक्कर दिएर दुर्घटना हुँदा मोटरसाइकल चालक हरिनगर गाँउपालिका ३ का ४६ महेश कुमार मेहताको मृत्यु भएको हो ।
घटनामा गम्भीर घाइते भएका उनको उपचारको लागि जिल्ला अस्पताल सुनसरीमा पुर्याइएपनि उपचारको क्रममा मृत्यु भएको प्रहरीले जनाएको छ ।
मोटरसाइकल पछाडि सावर देवानगञ्ज २ का ५७ वर्षीय गुगली मेहता घाइते भएका छन् । उनको उपचार भइरहेको छ ।
दुर्घटनामा संलग्न बस र चालक सिराहाको लाहानका ३४ वर्षीय सूर्यनारायण चौधरीलाई जिल्ला प्रहरी कार्यालय सुनसरीले नियन्त्रणमा लिएको छ ।
घटनाबारे थप अनुसन्धान भइरहेको प्रहरीले जनाएको छ ।
Discussion about this post