इटहरी : इटहरीमा बिहीबारदेखि सुरू भएको मेयर कप क्रिकेट प्रतियोगितामा सुन्दरहरैँचालाई पराजित गर्दै इटहरीले जित निकालेको छ ।
इटहरी (रातो)ले सुन्दरहरैँचालाई १९ रनले पराजित गर्दै जित हासिल गरेको हो ।
टस जितेर सुरूमा ब्याटिङ गरेको इटहरीले सुन्दरहरैँचालाई ११० रनको टार्गेट दिएको थियो । सुन्दरहरैँचाले भने ९० रन मात्रै जोडेको थियो ।
खेलको म्यान अफ दि म्याच इटहरीका सुमन गहतराज घोषित भए ।
उनले २१ बलको सामना गरी २ चौका र २ छक्काको मद्दतमा २९ रन जोडेका थिए । त्यसैगरी रितेश रोयले ८ रन, गौरव कट्वालले २५ रन, रोहन शाहले १४ र समीर तिम्सिनाले ११ रन जोडेका थिए ।
दोस्रो खेलमा धनकुटा नगरपालिकालाई कटहरी गाउँपालिकाले १०६ ले पराजित गरेको छ । कटहरीका लागि कपिल मन्डलले ४० सर्वाधिक रन जोडेका थिए । त्यस्तै, बलिङतर्फ कटहरीका प्रेम कामतले सर्वाधिक ६ विकेट लिएर म्यान अफ दि म्याच घोषित भए ।
इटहरी उपमहानगरपालिकाका मेयर हेमकर्ण पौडेलले ब्याटिङ गरेर खेलको उद्घाटन गरेका थिए ।
१८ वटा टिम सहभागी भएको प्रतियोगिताको विजेता टिमले नगद एक लाख र उपविजेता टिमले नगद ५० हजार प्राप्त गर्नेछ । उक्त प्रतियोगिता इटहरी ९ को जनता क्रिकेट पार्कमा भइरहेको छ ।
सेभेन स्टार क्लबले आयोजना गरेको प्रतियोगिताको इटहरी उपमहानगरले संयोजन गरेको छ ।
सबै तस्बिरहरू : गुरु ढकाल ।
Discussion about this post