विराटनगर : विराटनगर महानगरपालिकामा सरुवा भएर आएका प्रमुख प्रशासकीय अधिकृत योगेन्द्रप्रसाद दुलाल हाजिर भएका छन्। उनले मंगलबारदेखि कार्यालयमा हाजिर गरेका हुन्।
महानगर प्रमुख नागेश कोइरालासहित कार्यपालिका सदस्यहरूको उपस्थितिमा दुलाललाई स्वागत गरिएको छ।
कार्यक्रममा मेयर कोइरालाले दुलालको अनुभव र नेतृत्वले सेवा प्रवाह, सुशासन र विकासमा नयाँ उचाइ ल्याउने विश्वास व्यक्त गरे।
प्रशासकीय अधिकृत दुलालले इमान्दारीपूर्वक काम गर्ने प्रतिबद्धता व्यक्त गर्दै महानगरको समग्र विकासमा सहकार्यका साथ अघि बढ्ने बताए।
यसअघि रामचरित्र मेहतालाई विराटनगरमा सरुवा गरिएपनि मेयर कोइरालाले हाजिर गर्न दिएका थिएनन्। इटहरी उपमहानगरमासमेत बसेका मेहता विवादास्पद छविका भन्दै मेयर कोइरालाले हाजिर गर्न दिएका थिएनन्।
कोइरलाकै रोजाइमा सरकारले दुलालाई विराटनगर सरुवा गरेको थियो।
यो पनि – विराटनगरमा मेयर कोइरालाको मागअनुसार नै सरकारले पठायो प्रशासकीय अधिकृत
Discussion about this post