इटहरी : विश्व सडक सुरक्षा सप्ताह २०२६ को अवसर पारेर तथा रोटरी क्लब अफ इटहरीको २९औँ चार्टर–डे विशेष कार्यक्रम अन्तर्गत रोटरी क्लब अफ इटहरी र रोटर्याक्ट क्लब अफ इटहरीको संयुक्त आयोजनामा “सडक सुरक्षा तथा ट्राफिक नियम सम्बन्धि सचेतना कार्यक्रम” सम्पन्न भएको छ ।
कार्यक्रम नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय, इटहरी–सुनसरीसँगको सहकार्यमा आयोजना गरिएको हो ।
कार्यक्रम क्लबका अध्यक्ष डीसी चौधरीको नेतृत्वमा सम्पन्न भएको थियो भने कार्यक्रमको संयोजन रोटरी क्लब अफ इटहरीका पूर्व अध्यक्ष तथा रोटरी इन्टरनेशनल डिस्ट्रिक्ट ३२९२ अन्तर्गत डिस्ट्रिक्ट रोड सेफ्टी कार्यक्रमका सदस्य रोटेरियन लक्ष्मीप्रसाद धितालले गरे ।
कार्यक्रममा सडक दुर्घटना न्यूनीकरण, सुरक्षित यात्राको महत्व, ट्राफिक नियमको पालना, हेल्मेट तथा सिट बेल्टको अनिवार्य प्रयोग, पैदल यात्रुको सुरक्षा लगायतका विषयमा जनचेतना अभिवृद्धि गरिएको थियो ।
कार्यक्रममा नेपाल प्रहरीका ट्राफिक तथा राजमार्ग सुरक्षासम्बन्धी अधिकारीहरूले सहभागीहरूलाई सडक सुरक्षासम्बन्धी जानकारी प्रदान गरेका थिए भने रोटेरियन र रोट¥याक्टहरुले पैदल यात्रीहरुलाई जेब्रक्र, सडक सुरक्षा तथा ट्राफिक नियम सम्बन्धी सचेत गराईएको थियो ।
कार्यक्रममा रोटरी तथा रोटर्याक्टका पदाधिकारी, सदस्यहरू, ट्राफिक प्रहरी, स्थानीय सर्वसाधारण तथा युवा विद्यार्थीहरूको सहभागिता रहेको थियो ।
सहभागीहरूले सडक सुरक्षा सबैको साझा जिम्मेवारी भएको उल्लेख गर्दै यस्ता कार्यक्रमले समुदायमा सकारात्मक सन्देश प्रवाह गर्ने विश्वास व्यक्त गरेका थिए ।
सचेतना कार्यक्रमले विश्व सडक सुरक्षा सप्ताहको सन्देशलाई समुदायसम्म पु¥याउनुका साथै रोटरी क्लब अफ इटहरीको २९ वर्षे सेवायात्रालाई अझ अर्थपूर्ण बनाएको आयोजकले जनाएको छ ।
Discussion about this post