इटहरी : इटहरीबाट लागूऔषध ब्राउनसुगरसहित दुई जना पक्राउ परेका छन्।
इटहरी उपमहानगरपालिका–४ स्थित फलामे पुल क्षेत्रबाट इलाका प्रहरी कार्यालय इटहरी र कोशी प्रदेश प्रहरी कार्यालय विराटनगरबाट संयुक्त रूपमा खटिएको प्रहरी टोलीले इटहरी–२ बस्ने ३० वर्षीय रोशन धामीलाई पक्राउ गरेको हो।
प्रहरीका अनुसार चेकजाँचका क्रममा उनको साथबाट ०.३५ ग्राम ब्राउनसुगर फेला परेको थियो।
यस्तै, इटहरी–१७ पकली क्षेत्रमा इलाका प्रहरी कार्यालय पकलीबाट खटिएको टोलीले इटहरी–८ बस्ने ३२ वर्षीय सुशील कुमार राजवंशीलाई पक्राउ गरेको छ।
उनको साथबाट ०.३० ग्राम ब्राउनसुगर बरामद भएको प्रहरीले जनाएको छ।
दुवै जनालाई लागूऔषधसहित नियन्त्रणमा लिई सम्बन्धित प्रहरी कार्यालयमा राखेर थप अनुसन्धान भइरहेको प्रहरीले जनाएको छ।
Discussion about this post