इटहरी : इटहरी उपमहानगरपालिका–१७ पकलीबाट प्रहरीले लागूऔषध ब्राउनसुगरसहित दुई महिलालाई पक्राउ गरेको छ।
इलाका प्रहरी कार्यालय पकलीमा प्राप्त सूचनाका आधारमा खटिएको प्रहरी टोलीले स्थानीय ७० वर्षीया सरातुन खातुनको घरमा खानतलासी गरेको थियो।
सो क्रममा खातुनले बोकेको कपडाको झोलाभित्र रहेको ठूलो पोका र साना पोकाबाट जम्मा २१.५० ग्राम ब्राउनसुगर बरामद भएको प्रहरीले जनाएको छ।
बरामद पदार्थमध्ये ठूलो पोकाबाट २०.३७ ग्राम र साना पोकाबाट १.१३ ग्राम ब्राउन सुगरजस्तो देखिने पदार्थ फेला परेको थियो।
घटनामा संलग्न रहेको आरोपमा सरातुन खातुन र उनकी २० वर्षीया बुहारी सेविका सरदारलाई प्रहरीले नियन्त्रणमा लिएको छ।
पक्राउ परेका दुवैलाई बरामद लागूऔषधसहित इलाका प्रहरी कार्यालय पकलीमा राखी लागूऔषध कारोबारसम्बन्धी कसुरमा थप अनुसन्धान भइरहेको प्रहरीले जनाएको छ।
Discussion about this post