इटहरी : इटहरीमा निर्वाचन कार्यालयको लापरबाहीका कारण गलत सूचना प्रवाह भएको छ ।
यसअघि निर्वाचन कार्यालय इटहरीले सार्वजनिक गरेको मतपरिणाममा गलत सूचना प्रवाह भएको हो ।
हाल इटहरी १, २, १९ र २० को मतगणना भइरहेको छ । वडा नं. २० को मतगणनामा भने गलत सूचना प्रवाह भएको पाइएको हो ।
अहिले पुनः निर्वाचन कार्यालयले सूचना सच्याएर सार्वजनिक गरेको छ । इटहरी २० मा वडाध्यक्षमा कांग्रेसका मणिराम श्रेष्ठको १११९ मत प्राप्त भएको छ भने नेकपा एमालेका राजकुमार राईको ७५७ मत प्राप्त भएको छ ।
यस्तै, राप्रपाका दीपबहादुर पुरीको २०० मत प्राप्त भएको छ । यस्तै, सदस्यहरूमा कांग्रेसको प्यानलै अगाडि रहेको छ ।
यही मतपरिणामअनुसार मेयरमा कांग्रेसका हेमकर्ण पौडेलको १९२७ मत प्राप्त भएको छ । यस्तै, नेकपा एमालेका यामकुमार सुब्बाको १४२७ मत प्राप्त भएको छ ।
उता, उपमेयरमा नेकपा एकीकृत समाजवादीका केशवकुमार विष्टको १२२६ मत प्राप्त भएको छ भने नेकपा एमालेकी सङ्गीता चौधरीले १५४३ मत प्राप्त गरेकी छन् ।
Discussion about this post