इटहरी : इटहरी उपमहानगरपालिका क्षेत्रमा निषेधाज्ञाको समयावधि थपिएको छ ।
आज (मंगलबार) इटहरी उपमहानगरपालिकाका प्रमुख द्धारिकलाल चौधरीको अध्यक्षतामा बसेको बैठकले वैशाख २९ गते विहान १० बजेदेखि लागू हुनेगरी जेठ ४ गते मध्यराति १२ बजेसम्मका लागि निषेधाज्ञाको समयावधि थप गरिएको हो ।
प्रमुख प्रशासकीय अधिकृत सूर्यप्रसाद सुवेदीका अनुसार इटहरीमा दैनिक कोरोना संक्रमितको संख्या बृद्धि भएकाले निषेधाज्ञाको समय थप गरिएको हो । यद्यपि, फलफूल पसल र दूधडेरी भने विहान १० बजेसम्म सञ्चालन हुने उपमहानगरपालिकाले जनाएको छ ।
इटहरीमा हालसम्म ५८७ जना संक्रमित पुगेकाले जोखिम न्यूनीकरण गर्न स्वास्थ्य मापदण्ड पालना गर्न समेत उपमहानगरले जनाएको छ ।
Discussion about this post