इटहरी : नेपाल तरुण दल सुनसरीले जिल्लामा लकडाउनको समयमा आर्थिक अवस्था कमजोर रहेका विपन्न मानिसहरुलाई खाद्यान्न वितरण अभियान सुरु गरेको छ ।
तरुण दल सुनसरीका अध्यक्ष सिजन गुरुङका अनुसार आर्थिक अवस्था अति कमजोर भएका विपन्न परिवारलाई खाद्यान्न वितरण अभियान सुरु गरिएको हो । जिल्लाबासी विपन्न नागरिकलाई खाद्यान्न अभाव भए स्वयम् गुरुङको ९८०३३४०९५९ मोबाइल नम्बरमा सम्पर्क गर्न सकिने उनले बताए ।
‘हामीले हाल दाल, चामल, नुन, आलु तथा न्यूटला वितरण गरिरहेका छौँ,’ उनले भने, ‘लकडाउनको अवधिभर जिल्लामा जो कोही विपन्न मानिसहरुलाई पनि हामी खाद्यान्न वितरण गर्न तयार छौँ ।’
उनले कसैलाई पनि खाद्यान्न अभाव राख्न नदिनका लागि उक्त अभियान सञ्चालन गरिएको बताए । यसअघि जिल्लाका विभिन्न स्थानहरुमा निःशुल्क मास्क, सेनिटाइजर, पञ्जा लगायतका स्वास्थ्य सामाग्री वितरण गरिएको गुरुङले बताए ।
Discussion about this post