नेपालमा थप २,९७७ जनामा कोरोना पुष्टि हुदा १,६७८ जना सङ्क्रमणमुक्त

नेपालमा गएको २४ घण्टामा थप २,९७७ जनामा कोरोना संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यस्तै कोरोना संक्रमणबाट १८ जनाको मृत्‍यु भएको छ भने १,६७८ जना सङ्क्रमणमुक्त भएका छन् ।

शुक्रबार थपिएकासँगै नेपालमा कोरोना संक्रमितको कुल संख्या ६ लाख ७६ हजार ७०८ पुगेको छ । तीमध्ये ९ हजार ६७९ जनाको मृत्यु भएको छ भने ६ लाख ३९ हजार ३६८ जना संक्रमणमुक्त भएका छन् ।

मन्त्रालयका अनुसार हाल देशभर सक्रिय संक्रमितको संख्या २७ हजार ६६१ जना रहेका छन् ।