इटहरी : सुनसरी भोक्राहा-नरसिंह गाउँपालिका ४ चिरौली चोकमा को ८ प ४११५ नम्बरको मोटरसाइकल आफैँ अनियन्त्रित भई दुर्घटना हुँदा एकजनाको मृत्यु भएको छ ।
शनिबार राति ९ बजे भएको दुर्घटनामा मोटरसाइकल पछाडि सवार सोही स्थानका ३५ वर्षीय हेमन्त उराउको मृत्यु भएको हो ।
दुर्घटनामा गम्भीर घाइते भएका उनको जिल्ला अस्पताल ईनरुवामा उपचारको क्रममा मृत्यु भएको प्रहरीले जनाएको छ ।
मोटरसाइकल र चालक ईनरुवा नगरपालिका ९ बबियाका ४० वर्षीय बाबुराम उरावलाई जिल्ला प्रहरी कार्यालय सुनसरीले नियन्त्रणमा लिई थप अनुसन्धान गरिरहेको छ ।
Discussion about this post