इटहरी : इटहरी २ मा रहेको मायाघरमा बुधबार नयाँ कपडासहित खाना खुवाइएको छ ।
यहाँ आश्रित एक सय दुई जनालाई नयाँ कपडासहित खाना खुवाइएको हो । इटहरीकी उपमेयर लक्ष्मी गौतमले सडक मानवलाई आश्रय दिइरहेको माया घरमा नयाँ लुगा र मासुखानाको ब्यवस्था गरेको बताइन् ।
उनले सबैको घरमा दसँैको उमङ्गमा रमाइरहेका बेला माया घरमा आश्रित एक सय दुईजनाका लागि इटहरी उपमहानगरपालिकाले दसैँको अनुभूति गराउने कोसिश गरेको बताइन् ।
माया घरकी सचिव सुभद्रा प्याकुरेलले अफ्ठ्यारो परेको बेला उपमहानगरको तर्फबाट सहयोग लिएर उपप्रमुख आइरहदा माया घरलाई सजिलो हुने गरेको बताइन् ।
माया घरले मानसिक सन्तुलन ठीक नभएरसडकमा बस्न वाध्य महिला तथा बालबालिकालाई आश्रय दिदैँ आएको छ ।
Discussion about this post