धरान : परराष्ट्रमन्त्री डा. नारायण खड्काले नेपालको हरेक परिवर्तनसंगै निर्णायक भूमिकामा नेपाली कांग्रेसको आवश्यकता भएको बताएका छन् ।
नेपाली कांग्रेस धरान नगर समितिले आयोजना गरेको कार्यकर्ता भेलालाई सम्बोधन गर्दै शनिबार (आज) खड्काले देश परिवर्तनका निम्ति कांग्रेसको भूमिका अग्रस्थानमा रहेको दाबी गरे ।
तत्कालीन केपी शर्मा ओली नेतृत्वको दुई तिहाइको कम्युनिष्ट सरकारले राज्य सञ्चालनमा दम्भ देखाएको आरोप लगाए । कम्युनिष्टकै कारण देश अराजकतातर्फ उन्मुख भएको समयमा काँग्रेसले अहिले सरकार चलाएको बताउदै अहिले अराजकताको अन्त्य भएको उनको भनाइ छ ।
कांग्रेसले कार्यकर्तालाई गुट उपगुटमा नलाग्नका लागि बताउँदै उनले आगामी निर्वाचनमा नेपाली कांग्रेस एक भएर लाग्नुपर्ने बताए ।
नेपाली काँग्रेस धरान नगरसमितिका सभापति श्याम पोख्रेलको सभापत्विमा सम्पन्न भएको कार्यकर्ता भेटघाट कार्यक्रममा नेपाली कांग्रेसका प्रतिनिधिसभा सदस्य, प्रदेश सभा सदस्य, जिल्ला स्तरीय, नगर स्तरीय, प्रदेश स्तरीय र केन्द्रीय स्तरीय कार्यकर्ताको उपस्थिति रहेको थियो ।
Discussion about this post