मोरङ : मोरङको धनपालथान गाऊँपालिका ३ मोरीयापुलमा बसको ठक्करबाट साईकल यात्रीको मृत्यु भएको छ ।
मृत्यु हुनेमा साईकल पछाडी सवार रंगेली नगरपालिका ३ की २८ वर्षीय रेखा पासवान रहेकी छन् ।
आज दिउसो रंगेली–बिराटनगर सडक खण्डमा पश्चिम बाट पुर्व तर्फ जादै गरेको प्र १–०४–००१ ख ००२२ नम्बरको बसले बिपरित दिशाबाट आउदै गरेको साईकललाई ठक्कर दिँदा साईकलमा सवार रेखा पासवान र उनकै श्रीमान् ३१ वर्षीय उमेश पासवान घाईते भएका थिए ।
घटनाको जानकारी पाए लगतै अस्थाई प्रहरी चौकी बेतौनाबाट गएको प्रहरी टोलीले दुवै घाईतेलाई उपचारको लागि रंगेली अस्पताल पठाईएकोमा रेखाको अस्पताल पुर्याउन साथ मृत्यु भएको थियो ,भने उमेशको सोही अस्पतालमानै उपचार भईरहेको छ ।
दुर्घटना गराउने बस प्रहरीको नियन्त्रणमा छ भने चालक फरार रहेकोले खोजतालस भईरहेको इलाका प्रहरी कार्यालय रंगेलीले जनाएको छ ।
Discussion about this post