इटहरी : ट्रकको ठक्करबाट इटहरीका एक युवकको मृत्यु भएको छ ।
पूर्व क्षेत्रीय ट्राफिक प्रहरी कार्यालय इटहरीका अनुसार सुनसरीको दुहबी नगरपालिका ३ स्थित कोशी राजमार्गमा पानी हालेका कारण मोटरसाइकल चिप्लिएको थियो । मोटरसाइकल चिप्लिएर दुर्घटना हुँदा ट्रकले ठक्कर दिएको प्रहरीले जनाएको छ ।
दुहबीबाट इटहरी आउँदै गरेको बा ८४ प ४२९ नम्बको मोटरसाइकल सडकमा पानी हालेका कारण चिप्लिएर लड्दा सोही दिशाबाट आउदै गरेको ना ८ ख ५६५६ नम्बरको ट्रकले ठक्कर दिँदा मोटरसाइकल चालक इटहरी बस्ने अन्दाजी ३० वर्षीय अभिषेक भण्डारीको मृत्यु भएको प्रहरीले जनाएको छ ।
दुर्घटनामा गम्भीर घाइते भएका उनको न्यूरो अस्पताल विराटनगरमा उपचारको क्रममा मृत्यु भएको प्रहरीले जनाएको छ ।
यस्तै, मोटरसाइकल पछाडि सवार झापा कमल गाउँपालिका ५ बस्ने २३ वर्षीय किरण खरेल घाइते भएका छन् । उनको उपचार भइरहेको प्रहरीले जनाएको छ । प्रहरीका अनुसार ट्रक र ट्रक चालक बारा जितपुर सिमरा १४ बस्ने वर्ष ४० को जमसेद मियाँलाई इलाका प्रहरी कार्यालय दुहबीले नियन्त्रणमा लिएर आवश्यक अनुसन्धान सुरु गरेको छ ।
सडक बिग्रिएका कारण दुर्घटना भएको प्रहरीको प्रारम्भिक अनुसन्धानबाट खुलेको छ ।
Discussion about this post