इटहरी : इटहरीको बूढीखोलाबाट अबैध रूपमा चोरी निकासी गर्ने सातवटा ट्याक्टरसहित चालकलाई पक्राउ गरिएको छ ।
इलाका प्रहरी कार्यालय इटहरीका प्रहरी नायब उपरीक्षक (डीएसपी) खगेन्द्रबहादुर खड्काका अनुसार मंसिर २४ गते शुक्रबार बूढीखोलामा अबैध रूपमा बालुवा–गिट्टी चोरी गर्ने सातवटा ट्याक्टरसहित चालकलाई पक्राउ गरिएको हो । शुक्रबार नै पक्राउ गरिएपनि आतइबार साँझ मात्रै प्रहरीले सार्वजनिक गरेको हो ।
‘ढुङ्गा, गिट्टी, बालुवा चोरी गर्दै गरेको सूचनाका आधारमा हामीले पक्राउ गरेर आवश्यक कारबाहीका लागि नगरपालिकालाई बुझाएका छौं,’ उनले फोन सम्पर्कमा टाकुरासँग भने, ‘ठेक्का नलागेका खोलामा मनपरी रूपमा ट्याक्टरमा सामान निकालिरहेको पाएपछि निगरानी बढाएका थियौँ, सोही अनुसार नियन्त्रणमा लिएका हौँ ।’
को २ त ६६२६, को १ त ६०५९, को १ त ९३४९, को १ त ५१८७, को २ त ४५०, को १ त ६२४२, को २ त ७४६० नम्बरका ट्याक्टरहरूलाई नियन्त्रणमा लिइएको उनले बताए ।
उनका अनुसार पक्राउ गरिएको सातैवटा ट्याक्टरसहित चालकलाई इटहरी उपमहानगरपालिकामा बुझाइएको छ भने चोरी निकासी हुन नदिन थप सुरक्षा संयन्त्र बढाइएको छ ।
Discussion about this post