इटहरी : शुक्रबार साँझ बराहाक्षेत्र १ सशस्त्र क्याम्प अगाडि पकली–चतरा सडकखण्डमा भएको दुर्घटनामा गम्भीर घाइते भएका एक पुरुषको मृत्यु भएको छ ।
पूर्व क्षेत्रीय ट्राफिक प्रहरी कार्यालय इटहरीका अनुसार पूर्वबाट पश्चिमतर्फ जाँदै गरेको को ९ प ३३७२ नम्बरको मोटरसाइकल र बिपरीत दिशाबाट आउँदै गरेको को २९ प ६२०६ नम्बरको मोटरसाइकल एकअपासमा ठक्कर भएर दुर्घटना भएको थियो ।
दुर्घटनामा ३३७२ नम्बरको मोटरसाइकल चालक बराहक्षेत्र २ का ३० वर्षीय अमित पाण्डेको शुक्रबार नै मृत्यु भएको थियो ।
दुर्घटनामा गम्भीर घाइते भएका ६२०६ नम्बरको मोटरसाइकल चालक मोरङ केराबारी ७ बस्ने ३६ वर्षीय छत्रबहादुर बिकको उपचारको क्रममा राति ८ बजे मृत्यु भएको प्रहरीले जनाएको छ ।
सोही मोटरसाइकल पछाडि सवार ३८ वर्षीया कुमारी बिक गम्भीर घाइते भएकी छन् । उनको विराट–नर्सिङ अस्पतालमा उपचार भइरहेको प्रहरीले जनाएको छ ।
तीव्र गतिका कारण दुर्घटना भएको प्रहरीको प्रारम्भिक अनुसन्धानबाट खुलेको छ ।
यो पनि – चतरामा दुईवटा मोटरसाइकल ठोक्किएर दुर्घटना हुँदा एक पुरुषको घटनास्थलमै मृत्यु
Discussion about this post