इटहरी : सुनसरीको इटहरी ५ स्थित सुकुमारी खोलामा डुबिरहेको अबस्थामा एक ब्यक्तिको शव फेला परेको छ ।
शनिवार बिहान कालो ब्याग भिरेको शव डुविरहेको अबस्थामा फेला परेपछी स्थानियहरुले प्रहरीलाई खबर गरेका थिए । खोलाको पानीमा घोप्टो परेको अवस्थामा शव फेला परेको हो ।
मृत फेला पर्नेमा इटहरी ५ का ६७ वर्षीय नेत्र प्रसाद भण्डारी रहेको इटहरी ५ का वडाअध्यक्ष कल्याण बहादुर कार्कीले जानकारी दिएका छन् ।
२ दिन मलाई भात नपकाउनु भन्दै आमा र छोरालाई घरमा छाडेर हिडेको र आज बिहान आधा शरीर डुवेको अबस्थामा मृत फेला परेको इटहरीका डिएसपी खगेन्द्र बहादुर खड्काले बताएका छन् ।
मानिस डुब्न सक्ने पानी उक्त स्थानमा रहेको र पेट पनि फुलेको अबस्थामा शव फेला परेको थियो । शव पोस्टमार्टमको लागी धरान पठाईएको डिएसपी खड्काले बताएका छन् ।
भण्डारीको मृत्युको कारणबारे थप अनुसन्धान भईरहेको समेत डिएसपी खड्काले उनले बताएका छन् ।
Discussion about this post