धरानको सुधार केन्द्रमा उपचाररत एक पुरुषको सुतेकै ठाउँमा मृत्यु

धरान : धरान १३ स्थित गुरुकुल प्रतिष्ठानले सञ्चालन गरेको दुव्यर्सनी उपचार तथा सुधार केन्द्रमा एक पुरुषको मृत्यु भएको छ ।

इलाका प्रहरी कार्यालय धरानका अनुसार मृत्यु हुनेमा काभ्रेपलाञ्चोकको पनौती नगरपालिका वडा नं ५ घर भएका ४० वर्षीय सन्तोष दाहाल रहेका छन् ।

प्रहरीको प्रारम्भिक अनुसन्धान अनुसार दाहाल सुतेकै ठाउँमा मृत फेला परेका थिए ।

मृतकको शव पोस्टमार्टमका लागि धरानस्थित वीपी कोइराला स्वास्थ्य विज्ञान प्रतिष्ठान लगिएको छ ।

घटनाबारे थप अनुसन्धान भइरहेको प्रहरीले जनाएको छ ।