मोरङ : नेपाली कांग्रेसका नेता डा. मीनेन्द्र रिजालले मोरङ २ मा टिकट पाएनन् ।
०७४ को निर्वाचनमा विजयी भएका रिजाललाई टिकट नदिएर कांग्रेसले यहाँ सुजाता कोइरालालाई टिकट दिएको छ ।
२०७४ सालको प्रतिनिधिसभा निर्वाचनमा रिजाल सोही निर्वाचन क्षेत्रबाट विजयी भएका थिए । यसपटक भने रिजालले टिकट पाएनन् ।
कांग्रेस क्षेत्रीय कार्यसमितिले प्रतिनिधिसभा उम्मेदवारका लागि रिजाल र कोइरालाको नाम सिफारिस गरेको थियो ।
शनिबार राति बसेको संसदीय बोर्डको बैठकले कोइरालालाई उम्मेदवार बनाउने निर्णय गरेको हो।
२०७४ सालमा रिजालले एमाले उम्मेदवार ऋषिकेष पोखरेललाई पराजित गरेका थिए। एमालेले त्यस क्षेत्रमा यसपटक पनि पोखरेललाई नै उम्मेदवार बनाएको छ।
मंसिर ४ गते हुने निर्वाचनमा अब कांग्रेसकी कोइराला र एमालेका उनै पोखरेलबीच प्रतिष्पर्धा हुनेछ ।
Discussion about this post