इनरुवा : इनरुवा नगरपालिकाका मेयर केदार भण्डारी डोजर लिएर अतिक्रमित संरचना भत्काउन निस्किएका छन् ।
मंगलबार (आज) बाट अतिक्रमित सडकपेटी खाली गराउन सुरु गरेको मेयर भण्डारीले बताए ।
उनका अनुसार यसअघि ३५ दिने सूचना जरी गरिएको थियो । अन्तिम पटकको ३ दिने सूचना समेत जारी गरिएपनि अटेर गरेका संरचना भत्काउन सुरु गरिएको हो ।
पटक–पटकको सार्वजनिक सूचना जारी गर्दा पनि अटेर गरेको भन्दै भण्डारीसहितको नगरपालिकाको टिम डोजर लिएर सडकमा निस्किएको हो ।
मंगलबार नगर प्रहरीका साथै सुरक्षा निकायको रोहबरमा नगर प्रमुखले सडकपेटी खाली गराउने कार्यलाई अगाडि बढाएका हुन् ।
व्यापारी र केही स्थानीयको अवरोधकाबीच नगरपालिकाको टोलीले अतिक्रमित सडकपेटी र सडकमा बनाइएका टहरा हटाउन थालेको जनाइएको छ ।
Discussion about this post