धनकुटा (भेडेटार) : पूर्वको पर्यटकीय गन्तव्यका रूपमा रहेको धनकुटाको भेडेटारमा फुड फेस्टिबल कार्यक्रम सुरु भएको छ ।
भेडेटारमा अंग्रेजी नयाँ वर्ष २०२३ को अवसर पारेर आज पुस १६ गतेदेखि १८ गते सोमबारसम्म दशौँ फुड फेस्टिबल सुरु भएको हो ।
‘भेडेटार प्रकृतिको गहना, पर्यटक भित्राउने हाम्रो चाहना’ सन्देशसहित होटल एसोसिएसन भेडेटारले १० औँ फुड फेस्टिबल आयोजना गरेको जनाएको छ ।
एक औपचारिक कार्यक्रमकाबीच आज उद्घाटन गरिएको फुड फेस्टिबललाई कोरोनाले थलिएको व्यापार व्यवसायको विकास र प्रवर्द्धनका रूपमा समेत लिइएको छ ।
महोत्सवमा सांस्कृतिक तथा सांगीतिक कार्यक्रम, स्थानीय तथा जातीय खानेकुराका परिकार, भेडेटार हेली टुर, जीपलाइन तथा पाराग्लाइडिङ ,
दौरान कृषि प्रदर्शनी समेत मुख्य आकर्षण रहने आयोजक होटल एसोसियसन अफ भेडेटारकी कार्यबहाक अध्यक्ष शान्ति मादेन लिम्बूले बताइन् ।
भेडेटारमा हरेक अंग्रजी नयाँ वर्षमा फेस्टिबलको आयोजना हुँदै आएको छ । कोरोनापछि सुस्ताएको होटल व्यवसायलाई उकास्न अंग्रेजी नयाँ वर्षलाई लक्षित गरी आयोजना गरिएको फेस्टबलमा ३० हजार बढी आन्तरिक तथा बाह्य पर्यटक भित्र्याउने लक्ष्य लिइएको बताइएको छ ।
धनकुटाको साँगुरीगढी गाउँपालिकाको सहयोगमा होटल एसोसिएसन अफ भेडेटारले आयोजना गरेको फेस्टिबलमा एक करोड बढीको कारोबार हुने अपेक्षा गरिएको गाउँपालिका अध्यक्ष जीतेन्द्र रुम्दाली राईले बताए ।
पाथीभरा मन्दिर, भेडेटार बजार, शङ्ख पार्क, स्थानीय खानेकुरा, जीपलाइन ,नमस्ते झरना जस्ता पर्यटन स्थानको प्रवद्धन गर्ने उद्देश्य रहेको बताइएको छ ।
भेडेटारबाट मौसम सफा हुँदा धरान देखिनेको दृश्य सुन्दर देखिनाले पनि पर्यटकहरू लोभिने गरेका छन् ।
Discussion about this post