बराहक्षेत्र : बराहक्षेत्र नगरपालिकाले माघ ७ गते एघारौं नगरसभा सम्पन्न गरेको छ।
बराहक्षेत्र नगरपालिकाको आर्थिक वर्ष ०७९–०८० का लागि १ अर्ब ७ करोड ४२ लाख ४१ हजार ९ सय ३० रुपैयाँको पूरक बजेट सार्वजनिक गरेको छ
शनिबार एघारौं (पुरक) नगरसभामार्फत कृषि पर्यटन र पूर्वाधारमा जोड दिँदै बजेट नीति तथा कार्यक्रम सार्वजनिक गरेको हो । नगरसभा नगर उप–प्रमुख नन्दुकुमारी सुनुवारले आर्थिक बर्ष २०७९–०८० को .संसोधित सहित) बजेट तथा कार्यक्रम प्रस्तुत गरिन् ।
जसमा आर्थिक वर्ष ०७९–०८० को लागि नगरपालिकाले आन्तरिक आय (गत वर्षको मौज्दात समेत) २५ करोड, नगरपालिकाको सबैभन्दा ठूलो आम्दानीको स्रोतमा सङ्घीय सरकारबाट आउने सशर्त अनुदान ४१ करोड २७ लाख , वित्तीय समानिकरण अनुदान संघ २१ करोड ४८ लाख यथार्थ बित्तीय समीकरण अनुदान प्रदेश १ करोड २० लाख, राजस्व बाँडफाट संघ १५ करोड ९४ लाख २३ हजार , प्रादेशिक सशर्त अनुदान ६१ लाख २३ हजार , समपुरक अनुदान प्रदेश १ करोड , प्रदेश राजश्व बाडफाट ९१ लाख ७५ हजार ९ सय ३० रुपैयाँ गरेर १ अर्व ७ करोड ४२ लाख ४१ हजार ९ सय ३० रुपैयाँ बजेट सार्वजनिक गरिएको हो ।
कूल बजेट मध्येबाट आर्थिक विकास ४ करोड ५६ लाख २७ हजार १ सय ३० रुपैयाँ , सामाजिक विकास ४६ करोड ५७ लाख ३९ हजार ८ सय, पूर्वाधार विकास ३६ करोड ८१ लाख ८० हजार , सुशासन तथा अन्तरसम्बन्धि क्षेत्र २ करोड ६० लाख ४५ हजार र कार्यालय सञ्चालन तथा प्रशाशनिक १६ करोड ८६ लाख ५० हजार विनियोजन भएको छ ।
जसमा नगरपालिकाले २०७९ पौष मसान्तसम्म जम्मा खर्च ३० करोड ४५ लाख ९० हजार ८ सय ९४ रुपैया ३६ पैसा जम्मा खर्च भएको बताइएको छ ।
आर्थिक विकास ४७ लाख ६७ हजार २ सय ८८ रुपैयाँ, सामाजिक विकासतर्फ १७ करोड १४ लाख २९ हजार ९९ सय, पूर्वाधार विकासतर्फ ३ करोड ६९ लाख ८५ हजार ४ सय ३३ रुपैयाँ, सुशासन तथा अन्तर सम्बन्धित ५७ लाख ८९ हजार १ सय ६७ रुपैयाँ, कार्यालय सञ्चालन तथा प्रशासन सम्बन्धि ८ करोड ५६ लाख १९ हजार ९ सय खर्च भइ कुल बजेटको २८.३५ प्रतिशात खर्च भएको बताइएको छ ।
सभामा नगरप्रमुख रमेश कार्कीले प्रगति प्रतिवेदन प्रस्तुत गरेका थिए । ‘समृद्ध वराहक्षेत्रको आधार, कृषि, पर्यटन र पूर्वाधार’ भन्ने सन्देशलाई सफल पार्न काम गरिरहेको बताए ।
पर्यटन विकासको लागि रामधुनी, चतरा, बराहक्षेत्र, सूर्यकुण्ड र धरान मिलाएर धार्मिक पर्यटकीय सर्किट निर्माण गर्नेको काम अगाडि बढेको उनले बताए ।
Discussion about this post