धरान : धरान एक्स्पोको बिहीबार उद्घाटन भएको छ ।
सुनसरी उद्योग वाणिज्य संघको आयोजना रहेको एक्स्पोमार्फत सुनसरीको व्यापारिक, औद्योगिक एवम् व्यवसायिक प्रवद्र्धन मुख्य उद्देश्य राखिएको छ ।
धरान रङ्गशालामा भइरहेको एक्स्पोमा विभिन्न क्षेत्रका एक सय २३ स्टल रहनेछन् ।
एक्स्पो अवलोकनकर्ताको सहजताका लागि धरानका विभिन्न पाँच क्षेत्रबाट निःशुल्क बस सेवा उपलब्ध गराइने भएको छ ।
मेघा कलेजसँगको सहकार्यमा चतरा, रेलवे, पानमारा, अरुण पेट्रोल पम्प र विजयपुर क्षेत्रबाट निःशुल्क बस सेवा उपलब्ध गराइएको सुनसरी उद्योग वाणिज्य महासंघले बताएको छ ।
त्यसबाहेक धरानका विभिन्न क्षेत्रबाट अटोमा एक्स्पो स्थलसम्म यात्रा गर्ने यात्रुले एक्स्पो अवधिभर भाँडादरमा २० प्रतिशतसम्म छुट प्राप्त गर्ने भएका छन् ।
दिउँसो १ बजेसम्म एक्स्पोमा प्रवेश निःशुल्क गरिएको छ ।
फागुन ११ बाट २० गतेसम्म दश दिन आयोजना हुने एक्स्पोको सुरक्षा व्यवस्था लगायत अन्य व्यवस्थापन चुस्त पारिएकाले अवलोकनकर्तालाई ढुक्क भएर एक्स्पोमा अवलोकन, मनोरञ्जन र किनमेल गर्न आयोजकले आव्हान गरेको छ ।
१० दिनसम्म आयोजना हुने एक्स्पोलाई दैनिक ३० हजार बढीले अवलोकन गर्ने र १० करोड बराबरको काराबोर हुने अपेक्षा गरिएको छ ।
Discussion about this post