धरान : धरानमा जारी २३ औँ बुढासुब्बा गोल्डकपमा बुधबार भएको पहिलो सेमिफाइनल खेलमा काँकडभिट्टा फुटबल ट्रेनिङ सेन्टर फाइनलमा प्रवेश गरेको छ ।
युकेएफसी भारतलाई ३–१ गोल अन्तरले पराजित गर्दै काँकडभिट्टाले फाइनलका लागि सुरक्षित स्थान तय गरेको हो । काँकडभिट्टाका लागि सुशील राई, निशान लिम्बू र विदेशी खेलाडी यामीले १–१ गोल गरे ।
युकेएफसीका हेमराज भुजेलले १ गोल गरे । बिहीबार एभिनियर फुटबल क्लब क्यामरुन र एन्फा मोरङबीच दोस्रो सेमिफाइनल खेल हुनेछ ।
बिहीबारको विजेतासँग काँकडभिट्टाले फाइनलमा प्रतिष्पर्धा गर्नेछ । प्रतियोगितामा विजेताले नगद १० लाख र उपविजेताले ५ लाख रुपैयाँ पाउने छन् ।
Discussion about this post